كرامه المواطن المصرى

كرامه المواطن المصرى

ناس كتير أوى تقولك شويه كلام كده يا أخى زى

المصرى بقا متهان بره وجوه
أحنا عارفين ناخد حقنا فى بلدنا لما هناخده بره
المصرى بقا أرخص حاجه فى البلد دى

وأنا متفق معاهم فى كل كلمه بيقولوها ولا انت مش متفق معايا فى كده

طب ايه الحل ؟؟؟؟؟

أقولك أنا المصرى بقا من غير كرامه ------> والكرامه يعنى قيمه

طيب وامتى الواحد يكون له قيمه ......... لما يكون له رأى

لازم يكون للشعب رأى فى حال الجمهوريه
أحنا بقينا سلبيين زى ماتكون الحكومه حكومه ناس معينه والشعب كله وظيفته الفرجه

لا والله لا

المصريين مش سلبيين ..... ان شاء الله

طيب نعمل ايه

أنا مبعترضش على الحزب الوطنى ولا على سياده الرئيس لا طبعا
أنا بعترض على شعب نامت فيه حاجات كتير
بقينا سطحيين أوى

عارفين لو الحزب الوطنى مكانش هو اللى حاكم

وجه واحد عادل عادل عادل عادل مبيظلمش خالص ومعاه حكومه بيضه وحلوه

وغلط مره

مش هيلاقى شعب يقوله أنت غلطت .. ولا لما يعمل حاجه حلوه يلاقى شعب يقوله احنا معاك

طيب مش تفتكر انه سهل عليه يكرر غلط متحاسبش عليه

أنا كاتب كلامى ولو فىواحد اقتنع بيه أنا راضى بيه بس يكون آمن بالفكره بجد

لما الحكومه تعمل حاجه صح ............ خليك أول واحد بيدعمها
ولما الحكومه تعمل حاجه غلط ..........خليك أول واحد بيقولها ده غلط

هتقولى محدش يقدر يغير الواقع واحنا بنحلم والكلام ده كله
هقولك لو البلد عشان تتصلح قدامها مليون سنه ليه احنا منبدأش المليون سنه دى

مش ربنا خلق الأنسان برضه ونزله الأرض عشان يعمر فيها ولا عشان يتجوز ويخلف وخلاص

يا ريت يكون كلامى وصل

وياريت تحبوا البلد دى أوى