يلا نبدأ نقول بعض الأغانى الفلكلورية

يلا نبدأ نقول بعض الأغانى الفلكلورية
اللى كانت بتتقال فى الأفراح



يحيى ابوها يحيى
عوج الطربوش على ناحيه


يا برسيم أول قبة


يحيى أبوها اللي ربا



يحيا ابوها يا جدعان
جاب العفش على التمام


يحيا أبوها ورجاله

جاب العفش علي جماله



يحيا أبوها بشنبه

اللي محدش غلبه



يحيا أبوها وملبسه

جاب العفش علي راسه


=================================



بوليس النجده .. يا ولا


يا بوليس النجدة




خليه على امك يا ولا


سارقه المخده




بوليس الاسعاف .. يا ولا


يا بوليس الاسعاف




خليه على امك يا ولا


سارقه اللحاف


=================================


حبيبي صلاح يا أمه


حبيبي صلاح


يضرب بالسلاح يا أمه
يضرب بالسلاح

حبيبي جاب لي النملية
شُغل الليل صعب عليه
أعمله ايه الواد صلاح

حبيبي جاب لي الدولاب
شغل الليل يا أمه عذاب
وأعمله ايه الواد صلاح

حبيبي جاب لي التسريحة
شغل الليل يا أمه فضيحة
وأعمله ايه الواد صلاح

حبيبي صلاح ياأمه
حبيبي صلاح


يضرب بالسلاح يا أمه

يضرب بالسلاح


=================================

ملحوظه : مش لازم يكون صلاح - حسب اسم العريس -
يعنى ممكن يقولوا حبيبي يوسف يا امه حبيبي يوسف يضرب بالسلاح يا أمه حبيبي يوسف .. عادى يعنى

=================================


الفأر الفأر ع النخلة


ألبس بني واقلع بني


عامل سني ليلة الدخلة


الفأر الفأر علي النخلة

ألبس له حرير واقلع له حرير
علا التشخير ليلة الدخلة
الفأر الفأر ع النخلة





ألبس له ستان واقلع له ستان


عامل عيان ليلة الدخلة


الفأر الفأر ع النخلة


=================================


موزة .. موزة



قشر واديها موزة



يابت يا ام غويشة فضة


أنا من جمالك باتوضا

خت البوسة فاضل العضة

قشر واديها موزة

يابت يا ام غويشة دهب
والعقل مني ح يتسلب
سبحانه ربي اللي خلق

قشرواديها موزة



دي حماتي جايه من بحري

ماسكة لي الطار و بتردحلي
يارب خدها وريحني
قشر واديها موزة

يا قاعدة له ف العالي
فيكي سِنة بتلالي
بيضة وشغلت بالي

قشر واديها موزة



يا فايتة من خرم الحيط

واخدة له الحاجب بالخيط
وِعيت للبودرة و اجنيت
قشر واديها موزة

=================================

هنختم بدى علشان طويله شوية


مظلومة بالله يا قاضي


حيرني عديم الزوق


لابسه له في الليل كتافي
قالعه له في الليل كتافي
ساب الفرشة ومشي حافي
ما عارفه تحت ولا فوق
مظلومة بالله يا قاضي
حيرني عديم الزوق

لابسه له في الليل ملاية
قالعه له في الليل ملاية
عامل نفسه راجل آية
ما عارفه تحت ولا فوق
مظلومة بالله يا قاضي
حيرني عديم الزوق

لابسه له في الليل دبوس
قالعه له في الليل دبوس
ساب الفرشة ونام ع الخوص
ما عارفه تحت ولا فوق
مظلومة بالله يا قاضي
حيرنيعديم الزوق

لابسه له في الليل كركة
قالعه له في الليل كركة
عامل نفسه راجل بركة
ما عارفه تحت ولا فوق
مظلومة بالله يا قاضي
حيرنيعديم الزوق

لابسه له في الليل فستان
قالعه له في الليل فستان
عامل نفسه راجل عميان
ما عارفه تحت ولا فوق
مظلومة بالله ياقاضي
حيرني عديم الزوق

لابسه له في الليل الحجل
قالعه له في الليلالحجل
عامل ينعر زي العجل
ما عارفه تحت ولا فوق
مظلومة بالله يا قاضي
حيرني عديم الزوق

****************************

استنونا لسه عندنا ادحرج واجرى يا رمان واغانى كتير
من اغانى افراحنا الفلكورية