قصيدة غرقانين
صفحة 1 من اصل 1
قصيدة غرقانين
غرقانين ؟!
كل شئ كان عادي .. والمقابلة كانت عادية
عدى الوقت .. واكتشفت
إن كل اللى فات هيبقي
لحظات تاريخية
…
جوايا زعلان
من اني زعلان
من حد جوايا !!
هو احنا مش من امبارح
بنقول نفسنا نبقى بكرة ؟
ادينا بقينا بكرة .. وبعد بكرة ..
ولسة أحنا برضه امبارح
اوضة ساكتة
فيها مجنون ساكت
عمال يحاول من سنة
انه يفضل متزن
في الوضع الثابت!!
قلعت انهاردة
ودخلت انام
مجاليش نوم
خايف بكرة مايجيش
واعيش عريان
من غير يوم !
في ناس دايما وحشاني
معرفش مين هما ..!!
سيبوني حر طفشان عريان
قالولي .. لاء .. كدا تعيا ..
قلت .. يعني انا كدا مش عيان !
نعيش زي الفلاسفة تعساء
ونحاول نفهم الفولة
ولا خلينا كدا بلهاء سعداء
بالدنيا المجهولة
قرقضت كل ضوافري
متوتر .. متعفرت
الحياة عمالة تتركب .. تتعقد
وانا كنت فاكرها
هتبقى ابسط !
لو لم اكن كدا
لوددت ان اكون
مش كدا !!
حبة هوا
طيروا الورق كله
يالا مش مهم
هو ايه اللى كان في الورق
احلي من الهوا ؟!
ماشي ع البحر صافي
مدلدل كتافي
المية ساقعة والرمل دافي
أي ..!
دخل في رجلي سؤال
آدي اخرة اللى يمشي حافي
غرقانين ؟!
وايه يعني نفضل غرقانين
حتي فرصة نعيش مع السمك
هاديين
بلا مشاكل
بلا خناقات
بلا بواخة بني آدميين !
كل شئ كان عادي .. والمقابلة كانت عادية
عدى الوقت .. واكتشفت
إن كل اللى فات هيبقي
لحظات تاريخية
…
جوايا زعلان
من اني زعلان
من حد جوايا !!
هو احنا مش من امبارح
بنقول نفسنا نبقى بكرة ؟
ادينا بقينا بكرة .. وبعد بكرة ..
ولسة أحنا برضه امبارح
اوضة ساكتة
فيها مجنون ساكت
عمال يحاول من سنة
انه يفضل متزن
في الوضع الثابت!!
قلعت انهاردة
ودخلت انام
مجاليش نوم
خايف بكرة مايجيش
واعيش عريان
من غير يوم !
في ناس دايما وحشاني
معرفش مين هما ..!!
سيبوني حر طفشان عريان
قالولي .. لاء .. كدا تعيا ..
قلت .. يعني انا كدا مش عيان !
نعيش زي الفلاسفة تعساء
ونحاول نفهم الفولة
ولا خلينا كدا بلهاء سعداء
بالدنيا المجهولة
قرقضت كل ضوافري
متوتر .. متعفرت
الحياة عمالة تتركب .. تتعقد
وانا كنت فاكرها
هتبقى ابسط !
لو لم اكن كدا
لوددت ان اكون
مش كدا !!
حبة هوا
طيروا الورق كله
يالا مش مهم
هو ايه اللى كان في الورق
احلي من الهوا ؟!
ماشي ع البحر صافي
مدلدل كتافي
المية ساقعة والرمل دافي
أي ..!
دخل في رجلي سؤال
آدي اخرة اللى يمشي حافي
غرقانين ؟!
وايه يعني نفضل غرقانين
حتي فرصة نعيش مع السمك
هاديين
بلا مشاكل
بلا خناقات
بلا بواخة بني آدميين !
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى