Sherif Mohamed Hassaan

ونستكمل رحلة غناء النساء فى افراحنا الشعبية الفلكلورية

اذهب الى الأسفل

ونستكمل رحلة غناء النساء فى افراحنا الشعبية الفلكلورية

مُساهمة  Admin في السبت فبراير 25, 2012 8:32 pm

ونستكمل رحلة غناء النساء فى افراحنا الشعبية الفلكلورية


على سطوح اسكندريه
فى حمامه مغربيه


شوف عريسنا من جماله
والدهب ماسك فى حزامه
وامشوا يا ظباط قدامه
من هنا لسكندريه

على سطوح اسكندريه
فى حمامه مغربيه

شوف عروستنا من جمالها
والدهب ماسك فى حزامها
وامشوا يا بنات قدامها
من هنا لسكندريه
على سطوح اسكندريه

=================================


ادحرج وأجرى .. يا رمان


وتعال على حجرى .. يا رمان


أنا حجرى حنين .. يا رمان




ياخدك ويميل .. يا رمان



أنا حجري شديد .. يا رمان


ياخدك لبعيد .. يارمان



ادحرج وأجرى .. يا رمان


وتعال على صدرى.. يا رمان

أنا صدرى حنين .. يا رمان
ياخدك ويميل .. يا رمان

ادحرج وأجرى .. يا رمان
وتعال على وسطى .. يا رمان
أنا وسطى حنين .. يا رمان
ياخدك ويميل .. يارمان





ادحرج واجري .. يا رمان


انا حجري حنين .. اي رمان


يميل ويميل .. يا رمان

ويربي العيل .. يا رمان



=================================

القصب.. القصب


القصب عاوز 100 ياواد

محلاكي يا بت يا سودا .. لما العريس يخش

يلقاكي سودا سودا.. ومسوداله الوش
داخل يديكي مركوب
طالع يديكي مركوب
علي رنة العرقوب
في الأوضة التحتانية

القصب.. القصب
القصب عاوز 100 ياواد
محلاكي يا بت يا بيضا لما العريس يخش
يلقاكي بيضا بيضا.. ومبيضاله الوش
داخل يديكي جنيه
طالع يديكي جنيه
علي رنة البوفيه
في الأوضة الفوقانية
القصب.. القصب
القصب عاوز ميٌه ياواد
محلاكي يا بت يا حمرا لما العريس يخش
يلقاكي حمرا حمرا.. ومحمراله الوش
طالع يديكي خمسين
نازل يديكي خمسين
علي رنة السرير
في الأوضةالجوانية

القصب.. القصب
القصب عاوز 100 ياواد
محلاكي يابت يا صفرا لما العريس يخش
يلقاكي صفرا صفرا.. ومصفراله الوش
طالع يديكي ريال
نازل يديكي ريال
علي رنة الخلخال


في الأوضة الوسطانية


القصب.. القصب

القصب عاوز 100 ياواد

=================================

وله وله يا عرباوي
صايع يا وله وبتاع قهاوي

عرباوي عايز خد أحمر
ومنين أجيب له خد أحمر
عايز عروسته تحط أحمر
يا عرباوى

وله وله يا عرباوي
صايع يا وله وبتاع قهاوي
عرباوى عايز مشمشه
ومنين أجيب له مششه
عايز عروسته مفرفشه
يا عرباوى

وله وله يا عرباوي
صايع يا وله وبتاع قهاوي

عرباوى عايز فرش أخضر
وأجيب له منين فرش أخضر
عايز عروسته تتمخطر
يا عرباوى

وله وله يا عرباوي
صايع يا وله وبتاع قهاوي

يا قاعدة له فوق الحيط
واخدة له وشك بالخيط
دا انا وعيت لك واتجنيت
يا عرباوى


وله ياوله يا عرباوي
صايع يا وله وبتاع قهاوي
عرباوي عاوز مشمشة
ومنين اجيب له مشمشة
محلا الهزار بعد العشا
يا عرباوى

ولا يا ولا يا عرباوي
صايع يا وله وبتاع قهاوي
عرباوي عاوز لقمة حاف
ومنين اجيب له لقمة حاف
محلا الهزار تحت اللحاف
يا عرباوى

=================================

ونختم بدى

يا حمام .. يا حمام
حمامه رصاصي .. يا حمام
وقفت على راسي .. يا حمام
وحمامه حمرا .. يا حمام
وقفت ع الرمله .. يا حمام

وحمامه نبيتي .. يا حمام
وقفت على بيتي .. يا حمام

يا حمام الغيه .. يا حمام
كلك ملاغيه .. يا حمام

يا حمام مغاغة .. يا حمام
وعملك غاغة .. يا حمام

يا حمام شارونه .. يا حمام
أكال مكرونة .. يا حمام

وبحري بحري .. بحري
بنات الهوي .. بحري
مالهمش دوا .. بحري

وقبلي قبلي .. قبلي
بلد الرجاله .. قبلي
وضرب النار .. قبلي
ملعون التار .. قبلي

وشطه شطه .. شطه
اللي يعادينا .. شطه
نحط فى بقة .. شطه

مطوه مطوه .. مطوه
واللى يعادينا ..مطوه
ونحط ف بطنه .. مطوه

و اتنين وتلاته .. خمسه
واربعة وواحد .. خمسه
وفي وش العدو .. خمسه

سبعة وسبعة .. اربعتاشر
عروستنا قمر .. اربعتاشر

ويا حمام

*************************

استنونا


__________________

Admin
Admin

عدد المساهمات : 308
تاريخ التسجيل : 30/01/2012

معاينة صفحة البيانات الشخصي للعضو http://sherifmohamedhassaan.forumegypt.net

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى